थांबा..गुंठेवारी करताना लक्षात घ्या.. नसता रजिस्ट्रीसाठी होणार अडथळा निर्माण!
औरंगाबाद छत्रपती संभाजीनगर : महापालिकेने अतिक्रमण हटाव मोहीम अनाधिकृत बांधकामावर बुलडोझर कारवाई सुरू केलेले असून अनेक ठिकाण जमीनदोस्त झालेले आहे. त्यामुळे अनेक नागरिकांनी आपल्या बांधकाम व मिळकत अधिकृत करण्यासाठी गुंठेवारी हा पर्याय निवडला आहे. परंतु गुंठेवारी करताना काही गोष्टी लक्षात घेणे बंधनकारक आहे. गुंठेवारी करताना मूळ मालक म्हणजेच सातबारा व रजिस्ट्री ज्या धारकाच्या नावावर आहे त्याच धारकाच्या नावावर गुंठेवारी करणे ही प्रक्रिया नियमित व कायदेशीर आहे. अनेक ठिकाणी असे लक्षात आले की, अनेक गुंठेवारी धारकांनी आपले बॉण्डच्या आधारावर गुंठेवारी करून घेतलेली आहे किंवा रजिस्ट्री झालेल्या जीपीए होल्डरच्या नावावर गुंठेवारी करण्यात आलेली आहे. लोकसवाल संपादक फहीम खान यांनी या संदर्भात माहिती अधिकार नियमा खाली हा प्रश्न रजिस्ट्री कार्यालयाला विचारला होता. त्याचे उत्तर देताना सह दुय्यम निबंधक वर्ग -2 आर.बी. राठोड यांनी सांगितले की, गुंठेवारी करताना मूळ मालकाच्या नावावर गुंठेवारी करणे नियमानुसार दुरुस्त आहे. परंतु जीपीए होल्डर किंवा बॉण्ड धारकाच्या नावावर गुंठेवारी करणे हा मार्ग नियमानुसार दुरुस्त नाही. त्यामुळे भविष्यात रजिस्ट्री करण्यास अडथळा निर्माण होऊ शकतो.
याबाबत लेखी जाब विचारण्याकरिता गेले असता JDR कार्यालयातून असे लिखित स्वरूपात उत्तर देण्यात आले की, सदरील अभिलेखाची माहिती कार्यालयामध्ये स्वतंत्र उपलब्ध नाही. त्यानंतर आम्ही सह जिल्हा निबंधक वर्ग -2 यांच्याशी संपर्क केल्यास त्यांनी सदर विषयाची माहिती आम्हाला तोंडी सांगितले, आर.बी.राठोड यांनी सांगितले की ज्यांच्या नावावर सातबारा व रजिस्ट्री असेल त्याच धारकाच्या नावावर गुंठेवारी करणे हा नियमानुसार योग्य मार्ग आहे. म्हणून आता तरी आपण गुंठेवारी करण्यास गेले असता मूळ मालकाच्या नावावर गुंठेवारी करणे हा पर्याय निवडावा. जेणेकरून भविष्यात आपल्याला रजिस्ट्री साठी मार्ग मोकळा होईल व भविष्यात आपल्याला कोणतेही अडचणीला सामोरे जावे लागणार नाही.
