परीक्षा हॉलबाहेर झाडाला साडीचा झोका, चिमुकल्याला घेऊन माऊली पेपर द्यायला; बाप झोका द्यायला

 कालपासून बारावीच्या परीक्षेला सुरुवात झाली आहे. हिंगोली जिल्ह्यातील सेनगाव तालुक्यातील केंद्रा बुद्रुक येथे एक छान चित्र दिसून आलं. ते म्हणजे, एका महिलेनं आपल्या दीड वर्षाच्या चिमुकल्याला परीक्षा केंद्रावर आणत पेपर दिला.यात विशेष म्हणजे एका महिलेनं आपल्या दीड वर्षाच्या चिमुकल्याला परीक्षा केंद्रावर आणत आपला पेपर दिला. थोडीही मनात भीती न बाळगता चक्क परीक्षा केंद्राबाहेर साडीचा झोका बांधून त्यात आपल्या बाळाला झोपवलं आणि पती केंद्राबाहेर आपल्या चिमुकल्याला झोके देत राहिला आणि आईने परीक्षा केंद्रात इंग्रजीचा पेपर सोडविला.मिळालेल्या माहितीनुसार, सेनगाव तालुक्यातील केंद्रा बुद्रुक येथील अमृतराव पाटील उच्च माध्यमिक विद्यालयात परभणी येथील महिलेने आजेगाव येथील महाविद्यालयात प्रवेश असल्याने ती परीक्षार्थी महिला देखील आपल्या दीड वर्षाच्या बाळाला घेऊन परीक्षा देण्यासाठी आली होती. परीक्षा हॉलच्या बाहेर दीड वर्षाच्या बाळाचा झोका झाडाला बांधून आई परीक्षा देत होती.परीक्षा हॉलच्या बाहेर झाडाला साडीने झोका बांधून पती आणि ते बाळ परीक्षा संपण्याची वाट पाहत असल्याचे दिसून आले. या महिलेच्या जिद्दीची आणि परीक्षा केंद्राबाहेर साडीने बांधलेल्या झोक्याची सध्या जिल्हाभरात चर्चा होत आहे. मनामध्ये जिद्द जर असेल तर कुठल्याही परिस्थितीला तोंड देता येतं, हे या महिलेने सिद्ध करून दाखवले आहे. या जिद्दी महिलेचं नाव नंदिनी साबळे असं आहे. त्याचबरोबर याच परीक्षा केंद्रावर वाघजाळी येथील एका महिलेने देखील आपल्या चार महिन्याच्या बाळाला घेऊन परीक्षा दिली आहे. केंद्रा बुद्रुक येथील नागटेकच्या शाळेवर या दोन महिला सध्या चर्चेचा विषय ठरत आहेत.